Archives

Pathian Vang Letna Hong Langh

Key – Eb
Zing khua hongvak in ni hong taang hi
Pathian vangletna hong langh hi.
Vuiva a, thingkung te hong huang hi,
Pathian vangletna hong langh hi.

En vun luituite damtak luang a,
Van ah vacimte haam lamdang hi;
Mual saang dawn tungah meei hong’kaai hi,
Pathian vangletna hong langh hi.

Mualdawn thing namcin liap dildial hi
Pathian vangletna hong langh hi.
Mual kawm teng ah pak namcin pak hi,
Pathian vangletna hong langh hi.

Nitaang hong liap in khua hong zing hi
Pathian vangletna hong langh hi.
Ngai vun ngam vacimte hong ham hi,
Pathian vangletna hong langh hi.
____________________
God’s Glory Appears
Sizang Labu – 491
Ps. 104:10-12

Ngam Kuam Unok Paak

Key – F
Deina theampo a kicin na, Lawmpha Jesu nei ing
Ka thaa a tu tulsawm tulmun sangin pha zaw.
Ngamkuam Unok Paakza a hoi Ama bekma mu ing,
Thiantho natu kadei teng A sung om hi.
Heehun ciang hong heneam in, Haksat ciang belna hi;
Na vanngit theampo hong suan in hong ci;
Ama ngamkuam Unok paak hi, Ataang ni konghong hi,
Ka thaa tu tulsawm tulmun sang pha zaw hi.

Ka thinngim na teng lasiat in, Hena hongpuak sak a,
Ze et hun ciang a muanhuai ka tau saang hi.
Upna sia sak thei na theampo, Kei tu’n ka nusia a,
Ka sungpan A vangletna taw hongkeam hi.
Leitung in kei hongnial in, Satan in hong do hang,
Jesu hang in kamaa katun tu hi;
Ama ngamkuam Unok paak hi, Ataang ni konghong hi,
Ka thaa tu tulsawm tulmun sang pha zaw hi.

Ama’n hong nusia ngei ngawltu,
Zong hong nial ngeingawltu,
Ama it a deina bang ngamta poleang.
Kei tungah bangbangh piang ka le,
Launawn peuma buancing,
Manna taw ngilkial katha hong vak tu hi.
Minthang ngam zuanin leangtong,Topa kamu tu hi,
Thin nopna nguntui a luanna mun ah;
Ama ngamkuam Unok paak hi, Ataang ni konghong hi,
Kathaa tu tulsawm tulmun sang pha zaw hi.
____________________
The Lily of the Valley
Sizang Labu – 485
Sol. 2:1

Na Thumaanna Lian Hi

Key – Eb
Na thuman na lian hi, Ka Pa Pathian awng;
Ki khealkik na tu limn a nei bua hi;
Nong hesuakna ki kheal ngawl bo ngeingawl hi;
Taangh tawng na ngei bang ma na kip top hi.

Na thu maan tawntung a,
Na thu maanna lian hi;
Zing sim in nong hesuak na thak ka mu;
Ka sap theampo Na khut taw
nong pia tawntung
Topa keitung, Na thumaan na lian hi.

Ni, tha, aksi te zong a pai ngei bang in,
Khuakhal tuk hun, phalbi, kikheal ngeingawl;
Ngeina bang zui va diam a, hun lamdang ngawl,
Na thumaan hesuak, itna hong lak hi.

Mawmai sak na le a kip tawntung nopna,
Lam Nong hilna Nong ompui lungdamna;
Nisim tupna le maisang thin muanna tu,
Sim zawk ngawl thupha theampo Nong pia hi.
____________________

Great is Thy Faithfulness
Kaa 3:22-23
Sizang Labu – 42

LA PIANKHIATNA TAANGTHU

thomas_chisolmThomas Obadiah Chisolm (1866-1960) sia dam ngawl tawntung ahikom, lupna tung a theng haat mama khat ahi hi. A dam ngawl huvau in nasep khat zawk ciang khat a laih kul hi. Kum 27 a phak ciang piangthak in Jesus ngumpa in saang hi. Tasia ciang, pumpi chi le sa, abosa hun sung bangzata zawm in thaneam hikaleang, TOPA in tuni dong hong kal suanpui tawngtung hi thong ngawl ziam ci thu phawk saseam hi. TOPA ii thumaanna ama tung bangza lian in kicing ziam ci thu tel sinsen a, a deibel Lai Thiangtho kammal in “Mong nei ngawl TOPA ii hong itna le hong hesuakna kizom suak a; zing khuavak bangin thak suak tawntung a, ni suak pealmaw bang ahi hi.” (Kaatap late 3:22-23) hi.

Pathian atu na hong seam a, mission hong pai hi. A mission paina pan a lawm itbel khat ahi William Runyan lai thak thei bu

l hi. William Runyan sia musician thiam mama khat hi. William tung a lai thak ciang lingual (kabya) a atte veu thak thei hi. William tung a thak kabya te sung pan “Great is Thy Faithfulness” a kici kabya khat sia tha nga in hoi sa mama ahikom la aw vawt vawt hi. 1923 kum ciang hi la labu in kikhen hi.

Kum tam mama kisa lei ngawl in om tato a, Moody Bible Institute saang ii professor khat in hoi sa ahikom, saanginn chapel ah sasak tawntung hi. Moody Lai Thiangtho saanginn ii la kici liang hi. 1945 kum ciang Billy Graham ii crusade ah George Beverly Shea in hong sak zawk ciang leitung bup kizel in, Tapidaw theampo ii heak la suak hi.

La at pa Thomas Chisolm sia kum 94 a phak ciang (1960) thi hi. A thi ma Pathian lingual (kabya) 1200 vaal at man aa, “O To be Like Thee and Living for Jesus” ci a minthang mama la zong ama phuak ahi hi.

great

Doppha: Share Faith

Bangzal In A At Pang Tungah

Key – F
Belsazar le a sawl saang mi tul ho lung kumkhawm a,
Nunnop nun na poai sungah Thian mang khamhai taw ningzu dawn
A sau lim ah nunnuam in uum bang a khawl khop lai tak
Thian lai zin bang a liing sak hi Thian mang banzal in at hi.

Thianmang banzal in a at hi,
Thianmang banzal in a at hi,
Taangbang phatna zu bang siatna
Lailung ah cian ih tel tu’am?
Ban zal in a at hi pang tungah.

Namci za ta lakmai ah henkol bul Daniel en vun,
Thian lai sial bang a lian kumpi ii sa bang a tat khial man
Sual khial cii bang a topna nam ci vontoai te a tu
A ngam kuam pi zu bang sia, ci ngo bang hong lang pang tung ah.

Lau tha thiang ii Daniel tung ah tongdam neam a luan’ man,
Thin thupha sa bang tat, hanlung ciam na phai mit ih suan tu
Judah ngam sau lim lian ah ban-zal at ngo bang hong langh
Bellun Thianmang ban zal kai thiam ngo bang hong lang cian in tel.

Banzal in a kai tongdam kumsawt lailung in ngul tu,
Sual nei pa awng na thinlai Jesus Khenin a thu mangin
Sunni ciam tui bang tung tu namci ta’n laam bang paak leang,
Sual neite paampaihna thuak tum ci’n ki at tu pang tungah.
____________________
The handwriting on the wall
Sizang Labu – 38
Daniel 5:5