Archive | July 2015

Hong Thiang Sak Chisan

Key – Bb 9/8
En vun mawna theampo hong puaksak Pa,
Thina Calvary mual tung ah;
Thinglamte tung ngim in thina thuak a,
Kei a tu in a chi san hong luang.

Hong Hunpa Topa pang pan in,
Chi san le tui hong luang khawm hi;
Ka thin sung ah om tawntung hi
Mawna hong sil thiang zo

Hesuakna tui thiangtho hong luang zo hi,
Hong hun Topa thina mun ah
A tawntung in tua tui ah ki sil in,
Hong ngum Topa kung zuan in pai in.

A chi san sung ah ki sil te theampo,
A mawna teng vuk bang paak tu;
Mawna te theampo hong maisak tu hi,
Ka kung hongpai vun Topa’n hong ci.

Mawna sung ah ka bual kik nawn batu,
Jesu’n kei hong suatak saa hi;
A thaingtho in keima lam hong pui tu,
A ma ngam sung ah hong tonpui tu.
____________________
The cleaning Blood
I John 1: 7
Sizang labu – 139

Hong It Jesu TOPA Awng

Key – F 6/4
Hong it Jesu Topa awng, Tuihual hong nai laitak in;
Suangval vak nasiat si taw; Na kaang sung hong beal sak in.
Nuntak vuipi vak laiteng, Keima tha nonglak mateng;
Hong hunpa awng hong lia in, khawl munnuam ah hong then in.

Beltu dang khat zong neibong, Cimaw in Nang kong beal hi;
Keibek hong nusia heak in, Hong hu hong heneam lai-in.
Kong muang hi Topa, Nangma hunateng Nang kungpan nga;
Dalna neingawl keima lu, Na thanuai beal in kong buu.

Kei deina teng kicinna, Topa Jesu Nang na hi;
Pukte phong mittawte pui, Na damsak thinsung pumpi.
Nang na pha Nang na thiangtho, Ka pumpi thianna neingawl;
Kei kiihuai mawna taw dim, Thupha namkim Na nei hi.

Ka mawna sealzo tu in, Hesuakna Nang sung kicing;
Damna nguntui hong luan in, Ka thinsung thiansua natu.
Nangin nuntakna tuinaak, A thong in kong dawn nuam hi;
Tawntung nuntakna ciktui, Ka thinsung hong phuul sak in
____________________
Jesus, Lover of my Soul (Tune: Martyn)
Ps. 9:9
Sizang labu – 347

Hong Hunpa Hong Pai In

Key – C 4/4
Kong sapna ngai in, tu’n hong hesuak tan,
Hong Hunpa hong pai in;
Ka thinngim zo Nangma bek hong ngai a,
Hong Hunpa hong pai in.

Mual tung khuasikna ah ka vakthap a,
Inn pan khuala ka pial tha zo;
Tu’n hong la in, Na inn ah hong pui in,
Hong Hunpa hong pai in.

Khuazan sung ka bel tu mun omngawl a,
Hong Hunpa hong pai in;
Khatvei Nong et bek zong Nuntakna hi,
Hong Hunpa hong pai in.

Lam ngamkhing a, ka peang zong toi zo hi,
Hong Hunpa hong pai in;
Nong maituina mu nuam in kong dakto.
Hong Hunpa hong pai in.

Thin tamtham kisikte nong nialngei bua,
Hong Hunpa hong pai in;
Hong ngai in ki niamkhiak a kong thuumna,
Hong Hunpa hong pai in.
____________________
Come, Great Deliverer, Come!
Ps. 40:17
Sizang labu – 262

En In Nuntakna

Key – G 4/4
Thinglamte tung kikhai thalupna athuak Pa,
A enpo nuntakna a nga hi;
Tua mawna dan panin na suatak natu,
Lamte tung a ki that Pa en in.

En in nungta in,
A kikhai Pa en in nuntakna nga ta in
Tha khat in nunna pha nga ta in.

Na mawna leeiba lo natu hi bathong le,
Banghang nang mawna pua nuam tu ziam;
Hong thina taw na leeiba lo bathong le,
A pangh pan banghang chi luang tu ziam?

Kisiik a thitui luanna taw maw mai zongawl,
A chi bek in mawna phelzo hi;
Tua mawna van ngit nang puakzawk tu hingawl.
Chi hongbua Pa tungah suanzaw in.

Tua hi a lungdam in tu mama saang ta in,
Jesu’n nuntak tawntungna hong pia;
Mipha To Jesu nungta ahi nungsang,
Thi nawn ngawl tu ci in thinmuang ing.
____________________
There is Life for a Look
Isa. 45:22; John 3:14; Heb. 12:2
Sizang labu – 130

Christ Tungah Ka baa

Key – Eb ¾
Hunpa’n hong ci kaza, “Na thahatna no hi;
Thaneamte thu hong ngen vun,
Nang dei teng kei kung kicing.”

Jesu’n losiat zo, Ama tung ka baa;
Chibang sansa ka mawna,
Vuk bang hong paak sak zo.

Topa tu’n tel zo ing, Na vangletna bek in;
Phak le lol zong damsak thei,
Suang lungtang tuisak thei.

Hesuak ka saang nuam zong, Phatna khatbeak nei bong;
Ka puante a paak thiang dong,
Tuuno chi sungah sil tong.

Hong tatsa ka thaa in, Thina lupna pan in;
Vantungah lasa to tu,
“Jesu in losiat zo” ci.

Topa tokhum mai ah, Kicing in ka din ciang;
Ngasuk tong minphatna teng,
Topa Jesu peang kungah.
____________________
All to Christ I Owe
I Pet. 2:24; Luke 16:5,7
Sizang labu – 228

Chisan Sungah Vangletna Om

Key – Bb 4/4
Mawna van ngit pan na suakta nuam ziam?
Vangletna om hi, Chisan sungah;
Na ngitlona teng na nusia nuam ziam?
Chi sung vanglian lamdang om hi.

Chi sung vanglian, Vanglian lamdang om
Tuuno chi san sungah,
Chi sung vanglian, Vanglian lamdang om
A manpha Tuuno chi sungah

Ki phatsakna pan na suakta nuam ziam?
Vangletna om hi, Chisan sungah;
Thiantho natu Calvary tui zuan in,
Chi sung vanglian lamdang om hi.

Vuuk sangin na paak zaw takpi nuam ziam?
Vangletna om hi, Chisan sungah;
Mawna niin teng nuntak chi sung thiang zo,
Chi sung vanglian lamdang om hi.

Naseam nuam ziam, Kumpi Jesu atu?
Vangletna om hi, Chisan sungah;
Ama pokna nisim nasa nuam ziam?
Chi sung vanglian lamdang om hi.
____________________
There is Power in the Blood
I John 1:7 ; 1 Pet. 1:19
Sizang labu -137

Calvary Ah

Key – C 4/4
Ki phatsakna’n kum tam ka bosak,
Kei atu kithat Pa awlmawk ngawl;
Kei atu hong thi lam ka hebua, Calvary ah.

Man piakngawl hong hesuakna lian a,
Mawmai sakna kei tung hongkhang hi,
Ka vanngit pan tu’n suakta zo’ing,
Calvary ah.

Pathian thu’n ka mawna hong phawk sak,
Bang ka hi ka phaw ciang ka liing a;
Maw nei kei kisik in ka heakkik, Calvary ah.

Tu’n a vekpi Jesu ka piazo,
Tu’n Ama ka kumpipa hizo;
A lungdam ka tha’n lasa theizo, Calvary ah.

Oh! Ngupna thupha hongpia itna,
Oh! ei tung hong puaksuk hesuakna;
Oh! luam thukpui ah lei hong dawsak,
Calvary ah.
____________________
At Calvary (Tune: Gambia)
Luke 23:33
Sizang labu – 264