Archive | April 2014

Khensatna Nei Ing, Jesu Nung Zui Tu

Khensatna nei ing, Jesu nung zui tu
Khensatna nei ing, Jesu nung zui tu
Khensatna nei ing, Jesu nung zui tu
Heak kik ngawl in, heak kik ngawl in

Leitung nusia in, Thinglamte mitsuan
Leitung nusia in, Thinglamte mitsuan
Leitung nusia in, Thinglamte mitsuan
Heak kik ngawl in, heak kik ngawl in

Keibek ka hi zong’n, zui vave lai tong
Keibek ka hi zong’n, zui vave lai tong
Keibek ka hi zong’n, zui vave lai tong
Heak kik ngawl in, heak kik ngawl in

Jesu nung zui tu, khensat in suapui
Jesu nung zui tu, khensat in suapui
Jesu nung zui tu, khensat in suapui
Heak kik ngawl in, heak kik ngawl in

____________________

I have decided to follow Jesu
Traslated : Thawngno (April 8, 2014)
Ps 27; Phil 3:17-4:1; Lk 13:31-35

Hong Piankhiatna Taangthu

La hi sia Billy Graham na a crusade vawtna ah nasia zak mama ahikom, a minthang mama tapidaw la khat hong suak hi. Mihing pawl khatte na Arminian te anthem asa zong om hi. Pawl khat laleo na TOPA nung zui natu hanthotna la hoi, la tom no khat sa tha tu hi. Atatak in cileang hi la hong piankhiatna taangthu en leang ciliapna, mulkimna le khuangaina thu taw kidim hi.

1800 kum zawk, kumzalom 19 sung India ngamah khanlawna nasia tatak in piang ngei hi. Atatuan in India ngam saksang huam sung khanlawna nasia mama ahikom, Wales (UK) pan missionary tam mama a zasim in tha hi. England, Australia le USA pan zong missionary tam mama pai si hi. Hi Mission ii lamdanna khat sia ngamdang pan missionary tam mama pai ahihang, a seam tatak a lampui in a diang sia tapidaw suaksa India te veu hi zaw ci thu hi. A dang thu khat in, Northern India huam sung sia Hindu biakna nasia mama a kipna mun ci thu ahi hi. Ngamdang missionary tam mama hi mun huam sung ah kithatlum hi.

Ni khat ni ciang Wales missionary khat ii nasepna Assam state sung khuano khatah, innkuan khat hong kilaih aa, Jesu hong saang tui kiphum hi.. Khua hausa le lampuite thin uk mama ahikom, kuama Jesu nung a zui ngam ngawl natu hi innkuan tengatna (example) in ngimna le haksatna nga sak tu hong sawm hi.

Khensatna nei ing, Jesu nung zui tu
A innkuan in man in mipi maiah TOPA Jesu nial aa sawl hi. Jesu bangma hun in kanial buatu ci ahikom, na nial buale na tate hong thalup sak tu khu hi ci in tawng hi. Ahihang, Jesu nial tu sawm ngawl aa “Khensatna nei ing, Jesu nung zui tu, heak kik ngawl tu khi hi” ci in zo ahikom, a nupa mitang nuai ah a tate teng thal taw kikaplum in thi valeam hi.

Leitung nusia in, Thinglamte mitsuan
A tate thi zawk ciang, Jesu nial tu ni ziam, zui sawm lai ni ziam, ci in thu kidong kik hi. Ama in hibang in zo kik hi. “Leitung nei le lam theampo nusia in thinglamte mitsuan in mai lam kal suan sawm zaw khi hi, heak kik ngawl tu khi hi” Tasia ciang a zi thal taw kikaplum laleo aa, a mitang nuai ma ah thi laleo hi.

Keibek ka hi zong’in, zui vave laitong
A zi le a tate theampo thal taw kikaplum in a mitang nuai ah a thi zawk ciang, TOPA nial tu in lam en uh ahihang, ama in Jesu nial tuan ngawl in hi bang in zo hi. “Keibek ka hi zong in, Jesu nung zui vave tu khi hi, bangma hun nial ngawl tu khi hi” A khaak bel ama zong thal taw kikaplum in a innkuan, TOPA Jesu atu a nuntakna pia uh hi.

Khua ngei zawk ciang hi thupiang a mu mihingte in tua innkuan a kilaih sak, Wales missionary pa tungah zasak in son kik hi. Tua missionary pa ii son bang ahile, tua zawk khuangei thithim zawk ciang tua khua a pai kik le, khanlawna nasia tatak in piang hi. Taangthu son khat ii sonna ah, hi innkuan a thatlum nuam aa, a nasiabel a pang teng zong kilaih in tapidaw suak siat hi ci hi.

Missionary pa na hi innkuan ii taangthu Sandhu Sundar Singh tungah son hi. Sandhu Sundar Singh sia India ngam ah Pathian ii zak mama Pathian thuson khat hi. Ama ii son sawn kikna taw India ngam sung buppi tapidaw thu um mi te in hi innkuan ii thu son tato aa, tha laakna in nei uh hi. A kithatlum bangkua papi ii kammal teng Sandhu Sundar Singh na zangh in la phuak hi. Tua la in India pawlpi te sung a kisa bel la khat hong suak hi. American missionary te in India pan USA then aa, Billy Graham crusade ah a kinasia zak mama la le, leitung bup ii la khat hong suak hi. Bangpo na thuak zong Jesu nung zui vave tong a ci ngam vaset ih hi siat natu lai sim mimal khat sim tungah TOPA thupha om tahen.

Heak kik ngawl in Jesu nung zui tu na khensat zo ziam…suapui?

Itna taw,

TN
Doppha: The Cripple Gate le Youtube