Archive | February 2014

Zato Thiambel

Awmlai vui bang theausak thei Pa,
Naubang hong theam Thian vontoai,
Innbang heena vui bang theausak,
Malbang hong kona ngai vun.

Thangvan min laam bang paak hi,
Sialbang lian laam bang paak hi,
A paak na zaidei hoi hi,
Thinthu manpha Jesu.

Nang sualna tui bang hong thiangsak,
Mai bang hong kona ngai in,
Dam diildial in leangvan tuanglam,
Jesu taw laambang paak tu.

A phamsa lobang hong hing kik,
Thianmang vontoai min thang hen,
Khaubang hong sut Thian von min ngei,
Limbang a lian paak huai sa’ng.

Laambang paakna zaila oai tu,
A min ngei paakbang toai tu,
Tong luan nging taw malbang ko vun,
Min ngei laambang na paak vun.
____________________
The Great Physician
Matt. 8:7; 9:12
Sizang Labu – 110

Advertisements

Thiangtho Sabbath Ni

Key – E (4/4)
Thiangtho Sabbath tawlngak ni,
Ih Topa thupha piak ni;
Hun thupha hun thiangtho hi,
Pathian vawtsa ni tuam hi.

Sabbath thiangtho tawlngak ni,.
Pathian thupha piak tuam ni;
Bo ngei ngawl a tawntung in,
Ei atu tepteena ni.

Leitung- nopna zong heak in,
Khialna ngamlumna te dim;
Jesu kungah kikhawm in,
Lasa in thungen khawm tawng.

Nitak in nihong turn suk,
Sabbath hong kipat ciangin;
Jesu kungah kikhawm in,
Lasa in thungen khawm tawng.

Hong huuna thupha ngen in,
Masuan atu zongh ngen in;
Hunsim in thiansak natu,
Huuna Ama vaang ngen in.

____________________
Holy Sabbath Day
Pusua 20:8
Sizang Labu – 200

Itna Sungah Pumkhat Hi Hing

Key – Ab
Itna Sungah pum khat hi hing
Itna sungah pum khat hi hing (hi hing)
Eite thin sung le Pathian a ki zop zawk ciang
Itna sung ah pum khat hi hing

Tu in la sa khawm vazia tawng
TOPA hong it zo ci phawk tawng (phawk tawng)
Khut kilen in ih sep khop ciang ngual in he tu
Itna sung ah pum khat hi hing

____________________
The Bond of Love

Tawlngahna Le Lungdam Ni

Key – F (4/4)
Tawlngakna le lungdam ni, A khuavak nopna ni,
Thinngimna, heena, dam ni, Ataang a hoibel ni;
Tawntung na tokhum mai ah, a lian a no kuun in,
Thiangtho, thiangtho, thiangtho ci’n,
Thum ngawm Pathian pok tawng.

Tuni khuavak a pian ni: Ni masabel ni hi,
Eite hong Hunpa Jesu, Hong thaw kik ni tu ni;
Ih Topa ngualzawna ni, Tha Thiangtho hong puak ni,
Tua hi a, hi nipi ni, Thupha nam thum nga ni.

Thinngimte tung tuni in, Van pan “manna” khiak ni,
Mi thiangho kikhopna ah, Lungdamna thu ki hil;
Angim a toite kisil, Toi thaina lui sungah,
Lungdamna thupha a vaang, Mi thiangtho mai ah taang

Vantung ngam mithiangte bang, Hesuakna thak kinga,
Tawlngak ni Nipi nisim, Thupha ih nga-thua hi;
Pawlpi mite aw pan in, Tua ih pokna kiza,
Pok vun thum kingawm thiangtho, Pa, Ta le Tha Thiangtho

____________________
O Day of Rest and Gladness
Isai. 58:13
Sizang Labu – 199

Hong Hesuakna Thupha

Key – G (2/2)
Hong hesuakna thupha’n, thin sakte zo thei hi;
Leitung hong it man in, ATapa hongpia hi,

“A kuamapo in thu um le,
nuntak tawntung na nga tu hi;”
“Nuntak tawntung na nga tu hi.”

Ngul kikhai ente in, damna a nga bangin;
Jesu kikhai ente, nungta tawntung tu hi.

“Mawnei te thi tu” ci’n, thukhen sa hi zo hi;
Hong hesuak bualete ngammang sa ka hi zo.

Mihing maw saktu in, Jesu hongpai ngawl hi;
Leitung mitheampo in, A min taw ngupna nga.

Hong um zo sak ka ven, hong pia in thinnopna;
Patang note bangin, hong muang ing Na thupha.

____________________
The Gospel of Thy Grace
John 3:16
Sizang Labu – 117