Bangzata A Pha Lawm Jesu

Key – F
Ih mawna le Ih heena teng,
Hong dawntu Jesu ih Lawm;
Pathian kungah ih sapna teng,
Nget theina hunpha a om.
Thin nopna tamvei ih tan a,
Thuak ngawltu bul ih thuak hi;
Pathian kungah ih sapna teng,
Ih Ko ngawl hang bekma hi.

Ze-et vawtsiatna ih thuak ziam?
Thin ngimna khatpo om maw?
Bangma hun thin kiam ngeingawl in,
Topa kungah ko in awng.
Heena thuakpui nuam Jesu bang,
Ih muzo tuam lawmpha dang;
Ih thaneamna hong hesiat hi,
Topa tungah ko in awng

Thin ngimna vanngit bang lei in,
Zawngkhal in na thaneam maw?
Manpha Hunpa ih bel hi a,
Ama tung ah ko in awng.
Ngual’n hong zawnsak hong nusiat ciang,
Pai in Jesu tung ko in;
A ma’n hong leen hongdal tu a,
Thin nopna hong piatu hi.
____________________
What a Friend We Have in Jesus
Sizang Labu – 307
Pau. 18:24

 

Hi la taw kisai taangthu

Joseph Scriven (1819-1896)

Joseph Scriven
(1819-1896)

Joseph M. Scriven (1819-1896) sia Irish minam hi aa, a it mama a lawmnu taw kiteang tu a kithoai laitak kum (25) pha hi. Mopoai thetma nikhat kisap ni in a it mama a lawmnu, upmawk ngawl tuitaa in thi hi. A thin a lung kitamtham in thuak haksa sa mama ahikom, a khua atui nusia in tuipi ngaal Canada ngamah khantawntung om tu-in zuan hi. Canada ngamah saang sya seam aa, a saangpatang khat ii meakheak Eliza Roche taw hong ki-it aa, kiteang tu in hong kipan laleao hi. Ahihang, amasa lai a bangma mopoai ni thetma a lawmnu niina ciina aa, hong thi laleao hi.

Khangmoi mama lai aa, nii vei sitset a it mama a lamwnute in thisan aa, lungtam tamtham hikale, ama in Pathian mangil ngawl aa, Pathian ii henepna zong hi. Eliza Roche ii nusiat tawmvei zawk ciang Plymouth Brethren pawlpi taw kizom in Baptist thuhil sya hong suak hi. A thi dong innkuanpui tu zong nawn ngawl aa, a neisa a sum, a puan le a thangui a thatang theampo mihing cimawte huna taw Topa Jesu ii itna lakin nungta hi.

A lawmnu niina Eliza Roche taw kiteang tu a vaihawm saan laitak, tuipi ngaal khat Ireland a pianna khuaah a nungta lai a it mama a Nu kungpan laithak khat nga aa “ Ka ta awng, dam ngawl het thong ka hiciang, na mopoai hong theng zo ngawl thong tu khi hi, hong maisak tan” ci hi. Tua laithak a nga ciang Joseph M Scriven in a it a Nu lai thukkik hi. Tua lai thak sungah lai-ngual (ka-bya) hoi mama khat at in a Nu tha pia hi. Ama na tua a lai-ngual (kabya) ii thulu sia, “What a friend we have in Jesus” ci in pia hi.

Joseph Scriven 1

Joseph Scriven khansuang

Kum (30) bang zawk nikhat Joseph Scriven a ciina in lupna sungah toitang in a om laitak a lawmte khat a ve tu haw hi. A bosa kum (30) hunlai Joshep Scriven ii a Nu tha piak natu a at, lai-ngual (kabya) sia a sabuai tungah a mu ciang hoi sa mama aa tha ngacip hi. Tuazawk Khua ngeingawl a la-ngual sia “Hymns and Other Verses” ci labu sungah kikhen in hong suak hi. Tawm vei zawk ciang lathiam mama khat ahi, Charles C. Converse (1834-1918) na la-aw phuak aa, tu ni dong ih sasak, “What a friend we have in Jesus” hong piang ahi hi.

1896 sung Joseph Scriven hong thi ciang, a khuapuite in a teanna khua sung munkhatah, khansuang phusak aa, tu ni dong Canada ngam, Ontario sung Port Hope khuaah tua khansuang kimu thei lai hi. Tua khansuang tungah “What a friend we have in Jesus” (Bangzata a pha lawm Jesu) la a kikhen sitset hi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s