Muang In Zui In

Key – F
:d .r | m :m :r | d :- :d .m | s :s :f | m :-
Hong thuhil bang zui leang;
Ama taw tonkhawm leang,
Ih paina lampi hong taangsak hi;
hong sawlna bang zui leang
Ama um in muang leang,
Topa in hong ompui tawntung hi.

Muangin zui in, Lampi dang omngawl hi;
Jesu sung nopsak natu, Jesu muangin zui in.

Van ah meiziing kaai bang,
thinkiamna hong thet hang,
Topa maitai muleang vengpaih hi;
Uplaakna thinngimna,
Launa thitui luanna,
Jesu tha muangin zui leang bo hi.

Van a ngitte pua a, hena ih thuak hangin,
Thupha taw hong lokik veve hi,
Thinglamte ngit pua a,
Supna ih thuak hangin,
muangin zui leang thupha hongpia hi

Ama taw tokhawm a, Pai na po ah tonkhawm
Thu kumkhawm in nuam kisa tu hi;
hong sawlna bang seam a,
Hong sawlna po pai a,
Laungawl a muantu zui tu bek hi.

____________________
Trust and Obey
Sizang Labu – 335
Pau. 16:20; I Sam. 15:22

La Taangthu Atom le Hanthotna

Ih Sizang Tapidaw hymn labu sungah “Muangin Zui in” ci la sia hoi ka sak tawntung la khat ahi hi. 1887 kum lai a ki-at la hi a, la-at Rev. John H. Sammis hi. Ama sia New York khuapi, Brooklyn veangah 1846 kum in suak a, California state Los Angeles khuaah 1919 kum in thi hi. Businessman khat hi a, a business nasep nusia in Pathian naseam tu in a kipia khat hi. Bible Institute of Los Angeles ah Lai Thiangtho hil Sya seam si hi.

1886 kum D. L. Moody ii revival crusade ah khangno khat in tetti pang a, “Tel cian vaset bong, ahihang ka tel sitset thu sia, TOPA ka muang takpi tu a, Ama ci babang ka zui top tu hi, ci sia tel sitset ing” ci hi. Tua khangno pa ii Pathian thu tel cian siat ngawl ahihang a muan ngamna le zui tu a khensat ngamna thu a zaak ciang tha nga lei ahikom, crusade ah music conductor a seam Daniel B. Towner in lai-ngual khat at hi. Tua lai-ngual sia Presbyterian pastor John H. Sammis tungah thak a, Sammis in hoi ih sak mama a nuai a la suaksak hi.

Hong thuhil bang zui leang; Ama taw tonkhawm leang,
Ih paina lampi hong taangsak hi; hong sawlna bang zui leang
Ama um in muang leang, Topa in hong ompui tawntung hi.

Cho: Muangin zui in, Lampi dang omngawl hi; Jesu sung nopsak natu, Jesu muangin zui in.

Van ah meiziing kaai bang, thinkiamna hong thet hang,
Topa maitai muleang vengpaih hi; Uplaakna thinngimna,
Launa thitui luanna, Jesu tha muangin zui leang bo hi.

Van a ngitte pua a, hena ih thuak hangin,
Thupha taw hong lokik veve hi, Thinglamte ngit pua a,
Supna ih thuak hangin, muangin zui leang thupha hongpia hi

Ama taw tokhawm a, Pai na po ah tonkhawm
Thu kumkhawm in nuam kisa tu hi; hong sawlna bang seam a,
Hong sawlna po pai a, Laungawl a muantu zui tu bek hi.

Mihingte in Pathian ih muan takpi tusia khat vavei haksa kisa mama thei hi. Banghangziam cile mihingte in ih dei khat sia ih dei laitak ma in ih nga nuam papai hi. A hi theiza ngaak kul ngawlin ih dei papai hi. Ahihang Pathian nasep dan sia mihingte ngaisut bang hong hi papai ngawl thei hi. Pathian in tui om ngawlna mual tung khatah tembaw vawt tu Noah a sawl bangin tu ni nang hong sawl le na kipan ngam tu ziam? Kum 100 nai bang a pha Abraham te nupa tungah na suan na paal uh te vanah om aksi te bangin tam tu hi a ci bek zong ei ngaisutna taw piang thei kisa ngawl tu kawm pan, kamciam a piak zawk kum 24 sung ta khat zong nei ngawl lalai hi. Pathian nasep zia bangza in tel haksa ziam?

Mihingte uk bang hile, kamciam a pia naa le ki nga nuam pai hi. Ki ngaak zo ngawl hi. Ahihang Pathian in Abraham te nupa tungah kamciam a piak zawk kum 24 ciang tapa khat pia pheang hi. Mihing ngaisutna taw maan ih sak pha ih sak, hoi ih sak tam mamate sia Pathian ngaisutna bang hi vateal tuan ngawl tha tu hi ci in ih tel tu kisam hi. “TOPA in, Ka ngaisutnate no a taw kibang ngawl a, ka paiziate no a taw kilamdang hi. Leitung panin vantungte a kikhualat za in, keima paizia le ka ngaisut ziate sia no ii paizia le na ngaisutna ziate taw kikhuala hi” (Isaiah 55:8-9) ci hi.

Ka tanute a no bel sia in keima a pa hong muang hong suang mama a, a U te taw kihau le ka kungah hong tai vingveng in hong beal hi. Suangtum no khat sui tha le zong “Papa” ci in au in hong sam hi. Kum 3 cing ngawl lai hikale a ngaisutna sungah kua muang leang suantaak tu ci sia om zo hi. Kum 3 pha ngawl lai patang khatin a pa hong muan bangma khancingsa ulian te zong ih muan ih suan om thei mama hi.

Tuni ih muan ih suan bel in kua ahi ziam? Mihing tam mamate ii muan bel suan bel sia en tatak leang ama le ama, a pilna, a thiamna, a neisa sum le pai, a nasep, a thukhualna, ciim a kisakna, he a kisakna khawng vo hi thei hi. Tua ahibuale zong a pu a pa, a kumpi, cidamna taw kisai health insurance khawng na hi ku khiinkhian thei hi. Hi leitung naa te sia pha mama hikale, a lal thei a bo thei a kip ngawl vive hi siat hi. A tawntung in a lal ngawl a bo ngawl a muan huai sia TOPA Pathian khat bekma om hi. “….TOPA Pathian sia nang taw hong om tu hi. Ama in nang hong nusia ngawl tu a, ama Biakinn ah nasepte na man dong nang taw om tu hi”(1 Khang Taangthu 28:20).

Muangin Zui in” la dawng khatna khatvei sa kik in tha la tawng….

Hong thuhil bang zui leang, Ama taw tonkhawm leang
Ih paina lampi hong taangsak hi, Hong sawlna bang zui leang
Ama um in muang leang, Topa in hong ompui tawntung hi.

Cho: Muangin zui in, Lampi dang omngawl hi; Jesu sung nopsak natu, Jesu muangin zui in.

Thawngno

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s